Umeek elkarrekin abesteko aukera izango dute, abesteak sortzen duen poza elkarbanatuz eta elkarrekin gozatuz.
Maiatzaren 22an, larunbatean, izango da saioa. Haurrak, adinaren arabera, bi taldetan banatuko dira: HH5ekoak 09:45ean batuko dira eta HH4koak 10:45ean.
Alondegiko beheko erakusketa-gelan giro lasai eta goxo batez gozatzeko aukera izango dute haur txikiek eta euren gertukoek.
Interesa duen oro parte hartzera gonbidatzen du Txiribuelta elkarteak. Plaza mugatuak direla-eta, ezinbestekoa da aurrez izena ematea kide kopurua aipatuz, txiribueltaelkartea@gmail.com helbidera mezu bat idatzita.
ANIMATU ETA FAMILIAN PARTE HARTU!
HH4 eta HH5eko umeentzako 'Kantu kantari' saioa
2021ko mai. 14a, 13:19
Txiribuelta haurren eta familien garapenerako elkarteak eta San Pedro abesbatzako zuzendari Amaia Aldalurrek Kantu kantari saioa antolatu dute Zumaiako Udalarekin elkarlanean.