Ustekabean harrapatu gaitu guztiak. Nork pentsatuko zuen, urtarrilean, 2020ak horrelako “oparia” egingo zigunik? Hala ere, gauzei alde ona aurkitze aldera, esan beharra dago itxialdian egon garen artean gauza positiboak ere gertatu direla. Pertsona askok euren burua berrasmatu eta gizarteari ekarpen handia egin diote: maskarak, doako kultur ikuskizun telematikoak, faboreen kateak abiaraztea…, solidaritateak indar handia hartu du urte honetan. Elkarrengandik “urrun” egoteak gehiago gerturatu gaituela dirudi, eta pandemia honetatik horrekin geratu beharko dugu.
Udara ere ahal den moduan aprobetxatu beharko dugu. Ziur aski, aurten ez dugu gehiegi bidaiatuko, baina, aizu, Zumaian txoko ederrak ditugu eguraldi onaz gozatzeko. Datorren urteak aurtengoa baino hobea izan beharko du, halabeharrez.