Eider Iribar arkitektoaren hitzaldia Aita Marin

Erabiltzailearen aurpegia Piztu energia-komunitatea 2023ko eka. 8a, 10:56

Ekainaren 14an, 18:00etan, Eider Iribar arkitektoak eraikin erresiliente eta energetikoki eraginkorrei buruz hitz egingo du, Piztu kooperatibak antolatutako hitzaldian.

Klima-aldaketak, gaur egungo egoera energetikoak, pandemiak… etorkizuneko eszenatoki ziurgabeen aurrean jarri gaitu. Mundu aldakor honek eskatzen du eraikuntzaren arloan ere erresilientzia ikuspegia elkarrizketaren erdira ekartzera. Horregatik, egoera horien aurrean eraikinen diseinuak duen garrantziaz hausnartuko da hitzaldi honetan; eraikinen gehiegizko berotzea, energia- zaurgarritasuna, komunitatea… hizpide hartuta.

Arkitektoa eta energia eraginkortasunean eta jasangarritasunean doktorea da Eider Iribar Solaberrieta. Gaur egun Goiener S.Coop-en ari da energia eraginkortasunaren arloa lantzen proiektu europearretan, baita eraikinen birgaitze eta energia berriztagarrietan oinarritutako sorkuntza gaietan ere.