Nondik begiratzen dugun jakiteak erabateko zerikusia baitauka gure jardunean. Posizioaren arabera, batentzat zuria dena beltz aizan daiteke bestearentzat: auzolana eta artea batzuentzat, zikinkeria eta debekua besteentzat; ahaldunduaren eta boteredunaren arteko auzia parez pare.
Azken hilabeteotan, ordea, ertzetako borrokak erdigunean jarri dira: pentsiodunek astelehenero egiten duten elkarretaratzea, martxoaren 8ko aldarrikapen jendetsua, Kalea Guztiona Dela geroz eta argiago izatea, santelmotako herri bazkari jendetsua, edo 0-6 urte arteko umeen gurasoen borroka negurako lokal egokia lortzeko. Adibide soilak baino ez dira, baina jendea goikoei kontu eske dabilela gogorarazi digute; udaberriarekin batera loratu da herria, eta, momentuz, ez dirudi etenik izango duenik.