Justu kontrakoa egin dute Irungo Ficoban egingo den outleta iragartzeko kartelak jartzen aritu direnek. Beste guztiak estali zuri antzerako koloreko paperekin, eta gainean iragarri nahi duten ekitaldikoak jarri, kola erabilita, gainera. Benga inbasioa! Izorra daitezela bertakoak! Kutrea izan behar da horrela aritzeko, edukazio minimorik gabekoa.
Gero, españolez idatzitako kartelak dira (badakit gaztelaniaz hitza erabili beharko nukeela, baina hauei ez det uste hori asko inporta zaienik, Riveraren moduan, denak españolak izango gara eta), baina hori hobeto azaldu du, ohi bezala, Imanol Azkuek txio honetan.
Ibili zaitez jendea eta merkatariak konbentzitzen euskarak ere balio duela gehiago saltzeko, euskaldunok eskertzen dugula euskara lehenestea, ez dela hain zaila, etorkizuna euskaraz datorrela..., eta gutxien espero duzunean, herria honelako kartelekin beteko dizute. pic.twitter.com/EgO5H6KKJl
— Imanol Azkue (@ImanolAzkue) 2018(e)ko maiatzaren 21(a)
Gainera, hori nahikoa ez eta egurrezko poste bati lotutako kartelak ere jarri dituzte. Argazkia Parolaldean atera dut. Oraindik ikusi ez dudan ordenantza baten arabera, eta pasa dira urte batzuk, paneletatik kanpo ezin dugu herritarrok kartelik jarri. Hau atzotik behintzat jarrita egongo da. Baina, beno, denak berdin dio.