Maite Etxabek lehenengo postua lortu zuen 45 eta 49 urte artekoen mailan. Azpimarratzekoa da emakume guztiak kontuan hartuta, bigarren onena izan zela, 35 urteko hegoafrikar baten atzetik.
Gizonezkoen proban, hiru piraguista izan ziren 45-49ko mailan, eta han ere emaitza oso onak lortu zituzten. Oier Aizpurua hirugarren izan zen, Hegoafrikako bi piraguisten atzetik. Zilarrak azken metroetan egin zion ihes, hondartzara jaisteko unean hegoafrikarretako bat bera baino abilago izan zelako, nahiz eta proba osoan, 20 kilometrotan, atzean utzi zuen uneoro.
Bere anaia Eñaut Aizpuruak ere lan bikaina egin eta bosgarren amaitu zuen, hondartzara iristeko unean istripu txiki bat izan zuen arren. Kategoria berberean, Iosu Agirrezabalagak 23. postua lortu zuen bere estreinako txapelketan. 15 piraguista utzi zituen atzean.