Baina, aurrerapen teknologiko eta informatikoetatik haratago, zer nolako gizartea irudika dezakegu? Egungo kultur eskaintzaren gehiengoak aurkeztutakoari jaramon egiten badiogu, nekez izango da atsegina. Purga batetik ihes egiteko lapurtu beharko duzu ontzia, eta deirik ere ezin egin. Garestiegia da telefonoa kargatzea. Hori, ─ez begiratu gora─ ez bada lehenago meteorito bat jausten. Bi kasuetan, zuk, eliteen parte ez zaren horrek, zail izango duzu ihes egitea.
Distopia horiek badira egungo gizartearen isla, eta, batzuetan, badira kritika. Martinezen esanetan, ordea, gero eta etorkizun okerragoak imajinatzeak utopietan pentsatzeko gaitasuna ere lapurtu digu. Eta horrekin batera, gogoa itzali etorkizun hobe baten bila oraina aldatzeko.