Mugimendu independentisten aferaz, berak ezagun zuen Kataluniako egoera politikoa, ez, ordea, Euskal Herrikoa. Kosta ere egiten zitzaion zeri buruz ari ginen asmatzea: nik Euskal Herria nioen, gainerakoek Euskadi edo País Vasco, eta Navarra (guztiek ere Ipar Euskal Herria kanpoan utzita).
Halako batean, klaseko hainbat lagun garagardo batzuk hartzera atera ginen lehen aldian, han etorri zitzaidan galdezka: “Eta zuek independenteak izateko aukerarik baduzue?”. Aukerak sortu egin behar direla erantzun nion. Ez dakit zer ulertu zidan, baina gure egoera politikoa ulertzen saiatzeko gogoa piztu zaio.