BIDEOA: Amets zuri bat

Erabiltzailearen aurpegia Gorka Zabaleta 2018-03-01 07:30   Kultura

Atzo goizekoa amets zuri bat baino ez ote zen izan...

Abendutik 870 litro euri egin ditu Zumaian

Erabiltzailearen aurpegia Gorka Zabaleta 2018-02-21 13:47   Gizartea

Alex Sardui "Euritan dantzan" kantatzen entzun orduko Gatibuzale amorratuenek ere muturra okertzen dute dagoeneko. Negua zer den ahaztuta geneukan, baina aurtengoa ez zaigu berehala burutik joango. Datuak ez baitira nolanahikoak: 870 litro euri egin ditu Zumaian abendutik hona. 

Zestoako elizako kanpandorrea txikitu du tximista batek

Zestoako elizako kanpandorrea txikitu du tximista batek

Erabiltzailearen aurpegia Gorka Zabaleta 2017-12-01 22:06   Gizartea

 

Elurrak irudi politak utzi dizkigu gaur, baina kalteak ere eragin ditu ekaitzak, eta ez nolanahikoak. Goizean zulo handi bat agertu da errepidean Arroa Behean, eta iluntzean berriz tximista batek bete-betean jo du Zestoako elizako dorrea eta txikitu egin du. Hemen whatsapp bidez jaso ditudan bi argazki. Detaile gehiago jaso dituzte Urola Kostako Hitzan.

Bazterrak zuritzeko lain

Bazterrak zuritzeko lain

Erabiltzailearen aurpegia Gorka Zabaleta 2017-12-01 09:29   Gizartea

Ia ahaztua geneukan Zumaian elurra zer den, baina gaur goizean a ze sorpresa eman digun abenduaren lehenak: gosaria bukatu eta umeak eskolarako prestatzen ari zirela, "euria ari al du?" galdetu du alabak; leihotik begiratu eta, "euria ez, elurra!". Zuei ez dakit, niri sekulako ilusioa egiten dit elurra ari duela ikusteak. Umetu egiten naiz... Eta beti pentsatzen dut: metro erdi botako balu! Baina oraingoz, bazterrak zuritzeko lain. 

[BIDEOA] Itsas hondoko bizitza, gauez

Erabiltzailearen aurpegia Gorka Zabaleta 2017-10-30 16:36   Gizartea

Itsas hondoetako bizitza filmatzea da Xabier Mina urpekariaren pasioa, bereziki euskal kostaldekoa. Getaria aldean gauez grabatutako irudiak bildu ditu helarazi digun azken bideo honetan. Ez dago Karibera joan beharrik itsas hondoaren liluraz gozatzeko.

BIDEOA: Olatuetan arraunean

Erabiltzailearen aurpegia Gorka Zabaleta 2017-09-12 11:15   Kirola

Igandean Kontxan jokatu zen estropadako irudiak ez zaizkigu berehala ahaztuko; Gaztañazpiri entzun nion, traineruek intxaur azalak ziruditela olatu artean. Bermeo Arraun Argazkiak sinatuta, emakumeen estropadako bideo ikusgarria dabil sarean –behean daukazue–; istripua ez zen gertatu mirariz. Ba, whatsapp bidez beste bideo hau iritsi zait, eta pentsatu dut munduan nik uste baino jende gehiago dagoela burutik jota... 

Benito Lertxundiren kantaldira entrenatuta joateko karaokea

Erabiltzailearen aurpegia Gorka Zabaleta 2017-07-20 12:10   Kultura

Larunbat gauean kontzertua eskainiko du Benito Lertxundik Aitzuri pilotalekuan, 22:00etan. Seguru buruz dakizkizuela abesti gehienak, baina bakarren batek praktikatu nahi badu kantaldirako, hemen daukazue Gabi de la Mazak prestatu duen karaoke berezia, Lertxundiren abesti ezagunenekin.

Zumaiatik, Alberto Zerain gogoan

Erabiltzailearen aurpegia Gorka Zabaleta 2017-07-01 10:49   Kirola

Zumaiatik, Alberto Zerain gogoan

Albiste tristearekin hasi dugu eguna: Nanga Parbat mendian astebete desagertuta zeramaten Alberto Zerain eta Mariano Galvan mendizaleak hilda daudela ondorioztatu dute; mendizaleen azken posizioa markatzen duen balizaren gainean elur-jausi handi bat ikusi dute helikopterotik. Gasteiztarra zen Zerain, baina Zumaiarekin harreman estua izan du gaztetatik. "Hamabost urte nituela euskara ikastera etorri nintzen Zumaiara, eta hemen mendizaletu nintzen", kontatu zidan duela hiru urte. 

ARGAZKIAK: Arratsaldea olatuei begira

Erabiltzailearen aurpegia Gorka Zabaleta 2017-02-28 20:39   Gizartea

ARGAZKIAK: Arratsaldea olatuei begira

Itsasoa handitzen denean ez dago olatuak saltoka ikustea bezalako ikuskizunik. Gaurko aurreikuspenak tentagarriak ziren eta, bazkalondoren, kamera hartu eta aurrena Izustarrira joan naiz –artean zabalik zegoen errepidea–. Haizearekin nahikoa nahastuta zetozen olatuak, baina tarteka, seriea sartzean, ez ohiko indarrarekin jotzen zuten Izustarriko puntan eta Orroaga aldean. Marea gorantz zetorren eta berandu baino lehen Santiagora joatea erabaki dut, babesera. Handik ere ederra zegoen ikusteko eta argazkiak egiteko. Hona hemen gaur egindako argazkietatik aukeratutako batzuk. 

BIDEOA: Taosa Zumaia gainean

Erabiltzailearen aurpegia Gorka Zabaleta 2016-10-30 13:02   Gizartea

Minutu erdi inguruko bideo honetan ederki ikusten dira lainoen mugimenduak. Artaditik dago grabatuta, Zumaia aldera, gaur goizeko 10:00ak aldera.