Lerro hauen bitartez gure elkartasuna adierazi nahi diegu bi atxilotuei eta Europako mugak milaka pertsonarentzako atxiloketa-leku, gizatasuna galtzeko esparru eta heriotza-eremu bihurtu dituzten Europako gobernuei desobedientzia eta giza eskubideei obedientzia aldarrikatu nahi dugu. Egoera hau salatzeko, bihar arratsaldeko 19:30etan magnolioan elkarteratzea egingo dugu. Mikel eta Begoña askatu eta ongi etorri errefuxiatuak! Sinadura bilketa bat jarri da martxan. Hemen duzue sinatzeko weborria.
Bi ekintzaile euskaldun atxilotu dituzte Grezian errefuxiatuei bere elkartasuna adierazteagatik
2016ko abe. 29a, 11:15
Atzo, abenduaren 27ko gauean bi ekintzaile atxilotu zituzten Grezian 8 errefuxiaturi Greziatik irteten laguntzeagatik. Atxilotuek diotenez, Europako migrazioari buruzko legeak salatu nahi zituzten ekintza horren bitartez. Abokatuek aditzera eman dutenez, zortzi urteko kartzela-zigorra jaso dezakete errefuxiatuen giza eskubideak defendatzeagatik.