Ondarroan sortutako rock taldea da Keike. Erritmo oldarkorrak eta indartsuak bereizagarri ditu, baina, horiekin kontrastean, ahots goxo eta leuna gogorragoarekin uztartzen du abeslariak. Jarraitzaile fidel asko bereganatu zituen bere garaian, eta beste hainbat ere inguratuko ditu San Telmoetan, seguru. Larru Beltzak eta Zero taldeekin batera arituko da, apirilaren 23an.
Hainbat urtez lozorroan egon ostean, Keike taldea bueltan da, eta Zumaian ikusteko pagotxa izango dugu.