San Telmo eta Algorri arteko bidea egokitzeko lanak astelehenean hasiko dira

Erabiltzailearen aurpegia
San Telmo eta Algorri arteko bidea egokitzeko lanak astelehenean hasiko dira

Bederatzi urte dira jada Deba eta Zumaiako itsasartea biotopo babestu izendatu zenetik, eta orduz geroztik inguru horrek jasotzen duen bisitari kopuruak izandako igoera dela eta, ibilbide sareko zati jakin batzuetan erosio zantzuak antzeman dira.

Hori aintzat hartuta eta arazoari irteera egoki bat emate aldera, otsailean eginiko bilera irekian adierazi bezala, Gipuzkoako Foru Aldundiak egokitzapen batzuk egingo ditu, bereziki San Telmo eta Algorri bitarteko zatian.

Aipatu lanak maiatzaren 14an hasiko dira eta hilabete inguru iraungo dutela adierazi dute Aldundiko ordezkariek. Egokitzapenei dagokienean, oso intentsitate baxukoak izango dira, eta, gehienez, eskuzko tresneriarekin egingo dira: bide zidorretako lohi-uneak saneatu, jaitsierako jauziak mailakatu, ibilia zakartzen duten harri-azaleratzeak leundu…

Lan horien helburua da bisitarien erosotasuna eta segurtasuna hobetu eta bereziki hondatutako lekuak birgaitzea.

Horrez gain, bideak egokitu ostean, bideetatik kanpo ahalik eta jende gutxien abiatu dadin, nolabaitekoko mugarriak jarriko dira. Mugarri horien bidez, gehiegi zapaltzen diren eremuak babestea da helburua eta horretarako, hainbat bidexka erabileratik kanpo utzi nahi dira.

Oinezko gehienek San Telmotik Algorriko muturrera goitik joan eta bide beretik etortzeko ohitura dute, eta egokitzapen horien bitartez helburua da, goitik joaten diren oinezkoak herrira Ardantzabidetik itzultzeko ohitura izan dezaten zabaltzea.

Azkenik, lehendik narriatutako lekuak berreskuratzeko bertako berezko landareak erabiliko dira.

Erlazionatuak

"Ahalik eta esku hartze txikiena" eginez egokitu nahi da San Telmo eta Algorriko ibilbidea

Azken urteetan jendetza izugarria jaso du San Telmo eta Algorriko ibilbideak. Masifikaziora ere iritsi garen sentsazioa handia da. Horrek eragina i...
Algorriko eremua gaur egun

1

Algorri eta San Telmo eremuan egokitze lanak egiten hasiko dira Gipuzkoako Foru Aldundia eta Zumaiako Udala. Azken urteetako bisitarien kopuruak er...