baleike.eus

Gaurtik aurrera goizez eskainiko da udaletxean zabor bilketaren inguruko informazioa

Erabiltzailearen aurpegia Zumaiako Udala 2018-03-19 08:28   Gizartea

Datorren astean hilabete beteko da zabor bilketa sistema mankomunatua Zumaian martxan jarri zenetik eta denbora guzti horretan Urola Kosta Udal Elkarteko teknikari bat egon da, astelehenetik ostiralera, informazio eta arreta zerbitzua eskainiz herritarrei, udaletxean goizez eta Eusebio Gurrutxagako Zahar Etxean, aldiz, arratsaldez.

Ildo horretan, datorren astetik aurrera, aipatu zerbitzua goizez eta udaletxean soilik eskainiko dela jakinarazi du Udalak, goizeko 09:00etatik 14:00etara. Arratsaldez jada ez da zerbitzurik egongo Eusebio Gurrutxagako zahar etxean.

Amaitzeko Udalak zumaiarrak animatzen ditu hondakinak gaika modu egokian sailkatzen jarraitzera.

Erantzunak

Erabiltzailearen aurpegia EH Bildu Zumaia 2018-03-19 09:04 Erantzuna | #1

Egoera dagoen moduan, ez dugu uste herritarrei informazio zerbitzua murrizteko momentua denik. Are gehiago,
EH Bilduk EAJri eskatzen dio benetako apustua egin dezala sistema berriak emaitzak ematearen alde, eta horretarako herritarrei laguntzeko hezitzaile kopurua handitu dezala.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa