baleike.eus

Guztionak diren espazio publikoekiko errespetua eskatu du beste behin Udalak

Erabiltzailearen aurpegia Zumaiako Udala 2018-03-05 17:25   Gizartea

Ostegunean ospatuko den Emakumeen Nazioarteko Egunaren harira, asteburu honetan Estazio auzoko tuneleko hormak margotu dituzte elkarlanean Zumaiako mugimendu feministak eta Kalea Guztiona Da mugimenduak.

Horren harira, Udalak honakoa adierazi du:

  • Zumaiako Udala bat dator asteburuan egin diren pintaketen xede zein aldarrikapenekin
  •  Pintaketen mezua bultzatu eta babesten duen arren, ez dator bat horiek egiteko jarraitutako prozedurarekin, margotze lanak inolako baimenik edo aurre kontsultarik gabe egindakoak direlako
  •  Edonola ere, 2016ko otsailean erabakitakoari jarraiki, (kartel, pankarta edo pintada oro kenduko da edozein delarik horien eduki, mezu, jatorri edota helburua) pintaden mezu eta aldarrikapenarekin ados egon arren, horiek ezabatzeko saiakera egin du Udalak, baina Kalea Guztiona Da mugimenduak garbitzaileen lana galarazi du eta larunbateko muralaren gainean beste hainbat pintada egin ditu. Zumaiako Udala ez dator bat azken pintada horiekin.
  •  Ildo beretik, Zumaiako udal gobernuak iritzi du Kalea Guztiona Da mugimendua guztiok babesten dugun Emakumeen Nazioarteko Eguneko aldarrikapenaz baliatu dela mugimenduaren kausa zein interes propioen alde egin eta Udalaren aurka joateko eta  gobernuaren hitzetan “hori argi geratu da langileak pintadak ezabatzera  joan direnean Kalea Guztiona Da mugimenduko kideek azaldutako jarrerarekin. Halaber, jarrera horrek berdintasunaren aldeko bide eta borrokari mesede eskasa egiten dio”
  •  Herritar guztien arteko elkarbizitza egokia bermatzeko antolaketa bati jarraitzea beharrezkoa da eta kasu honetan espazio publikoen erabilera zein antolakuntza hori zuzentzea Udalari dagokiola gogorarazi du
  •  Espazio publikoak erabili edota margotzeko, beraz, ohiko prozedura jarraitzeko eskatzen du Udalak, gainerako zumaiar zein herriko elkarte edota eragile guztiek egiten duten bezala
  •  Amaitzeko, horrelako zein bestelako aldarrikapen ekintza eta ekitaldiak lagundu eta babesteko borondatea azaldu du Udalak eta ildo horretan, proposamenak entzun eta jasotzeko udaletxeko ateak uneoro zabalik daudela gogorarazi du

 

Erantzunak

Erabiltzailearen aurpegia Zumaiako Mugimendu Feminista 2018-03-06 09:47 Erantzuna | #1

Mugimendu Feminista ohar osoan behin bakarrik aipatzen du Udal Gobernuak. Emakume inozente batzuen pare uzten gaituzte gainera, Kalea Guztiona Da gure "aldarrikapenaz baliatu dela" adieraztean. Batzuentzat emakumeok subjektu aktibo gisa imajinatzea zaila bada ere, larunbatean emakume mordoa bildu ginen han, NAHI GENUELAKO, GUK ERABAKI GENUELAKO. Eta hainbesteren artean egindako lan eder hori ezabatu ostean ere GU JOAN GINEN, inork agindu gabe, GUK ERABAKI GENUELAKO.

Gure aldarrikapenekin ados bazaudete, mugimendu feministari zilegitasuna aitortzea eta bere ekimenei babesa ematea pausu interesgarri bat litzateke, eta ez bulego batetik kalean hamarnaka pertsonaren artean egiten ari garena oztopatzea.

Murala ezabatu ostean egin genuen irakurketa hemen irakurri dezakezue: https://baleike.eus/zumaia/1520265425908-zentsu...

Edozein kasutan, eta garrantzitsuena: gu gogoz gaude, ilusioz. Eta martxoaren 8an kaleak hartuko ditugu! Emakumeok* planto!


PD: Oharrean txertatu duzuen irudia egindako mural hori (ez hain txukun, ez hain garbi...) ezabatu ostekoa da. Norbaitek egin genuen artelan osoa ikusi nahi badu hemen lotura: https://www.youtube.com/watch?v=CkFxLifUK-4

Javi 2018-03-07 04:43 Erantzuna | #2

Pufff, udaletxe honen desinformazioak kiratsa dario,
orain berriro jaso degu beste "Encíclica" bat, ea herritarrok ikasten dugun.
Gainera jada inolako lotsarik gabe Goebbels-en printzipio batzuk erabiltzen: etsai bakarra, repetizioa, etab.
https://www.grijalvo.com/Goebbels/Once_principi...
Eta bukatzeko bere ezetza goxo goxo jan dezagun komunikazio "sandwich" teknika erabiliz...puajjjj

axular 2018-03-08 20:06 Erantzuna | #3

Beti bezela PNV feminismoaren alde.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa