Su artifizialengatik zenbait argibide

Erabiltzailearen aurpegia Zumaiako Udala 2017ko eka. 27a, 14:23

San Pedro jaien egitarauaren baitan, ekainaren 29an gaueko 23:00etan egongo diren su artifizialen inguruan, Zumaiako Udalak, ondorengo jakinarazpenak helarazi ditu.

1. N-634 errepidea itxita egongo da, 22:55etik 23:15era arte.

2. Suek dirauten bitartean, ezingo da txaluparekin ibili itsasadarrean eta itsasontzi edo txalupak eremu horretatik kendu egin beharko dira.

3. Su artifizialak arriskutsuak izan daitezke eta erredurak sor ditzakete. Ikuskizuna 23:00etan hasiko da. Komeni da ordu erdi lehenago hurbiltzea Gernika parkera eta Txomin Agirre Kaira. Portu ingurua denez, uretara erortzeko arriskua dago; beraz, ez hurbildu gehiegi ertzera.

4. Segurtasuneko langileek agindutakoa bete behar da eta seinaleak errespetatu. Ez zaitez hurbildu suak botatzen ari diren gunera. Izan ere, suak ikusteko distantziarik onena jaurtiketa eremutik 400 metro edo gehiago aldendutakoa da.

5. Ez ibili haurtxoekin inguruan.

6. Gaizki sentitzen bazara edo zauriren bat izanez gero, hurbildu zaitez anbulantzia dagoen gunera.

7. Suak botatzerakoan ohikoa da errautsak erortzea. Begietan sartuz gero, urarekin garbitu eta ez igurtzi.

8. Ezohikoa izan arren, su artifizialen osagarriren bat lurrera eroriz gero lehertu gabe, ez ukitu, eta ez ostikadarik eman. Abisatu lehenbailehen udaltzainei edo suhiltzaileei.

GOGORATU: ARRETAZ IBILI PORTU INGURUAN!

Erlazionatuak

Sanpedroak

Baleike 2017 eka 23 Zumaia