Horiek horrela, datorren ostegunean, hilak 16, Enplegu Zentroaren irekiera eguna aprobetxatuz (hileko hirugarren osteguna, alegia) interesa duten zumaiarrek zein inguruko herrietako biztanleek, bertan entregatu ahal izango diete Udal Elkarteko teknikariei haien curriculuma.
Eskaintzen diren lanpostuen ezaugarriei dagokionez, Udalak jakinarazi du egunean bertan egongo direla ikusgai bulegoko paneletan postu bakoitzeko oinarri eta irizpide zehatzak.
Behin curriculum guztiak jasotzean, teknikariek supermerkatuko arduradunei bideratuko dizkiete jasotako lan eskaerak. Orduz geroztik azken horiek jarriko dira hautagaiekin harremanetan Enplegu Zentroan egingo diren lan elkarrizketen eguna eta ordua finkatzeko.
Ekimen horren bitartez Udalaren helburua da herriko enplegua bultzatu eta indartzea horretarako dituen baliabideak herritarren eskura jarriz eta zumaiarrei lan aukera berriak eskainiz.
