Hitzorduekin jarraituta, ostiralean, martxoaren 9an, Zumaiako azken Klarinete Maratoian lehen saria lortu zuen laukoteak Bilbon joko du, Euskadiko XII. Musikari Gazteen lehiaketan, hain zuzen ere. Laukote hau Malen Trenado eta Andone Martiarena zumaiarrek, eta Lezoko eta Errenteriako ikasle banak osatzen dute.
Martxoaren 17an, berriz, Andoaingo Klarinete Jaialdian joko dute zumaiarrek. Euskal Herri osoko 18 laukote aukeratu dituzte eta Zumaiako ikasleak, bideoa bidali ondoren, parte hartzeko onartu dituzte. Goizeko 10:30ean hasiko da Jaialdia, Bastero Kulturgunean.
Eta azkenik, martxoaren 21ean, Azpeitiko eta Zumaiako Musika eskoletako klarinete ikasleen elkartrukea dela medio, kontzertua eskainiko dute Azpeitian.