Zazpi jardunaldi eta beste hainbat garaipen. Gipuzkoako xake ligako bigarren mailan dabilen Kbi A taldeak beste garaipen bat gehitu die aurretik lortutako beste seirei. 2,5-1,5 emaitzarekin irabazi zieten zumaiarrek Zaleak taldeari. Oier Sarasketak, Xabier Aranzabalek, Fermin Laurobak eta Oscar Aizpuruak jokatu zuten Kbi A-rekin jardunaldi honetan.
Zazpi jardunaldi jokatuta, B multzoko lider izaten jarraitzen du Kbi A-k 22,5 punturekin, bigarren den Bergarak baino 4,5 puntu gehiagorekin. Datorren asteburuan igoerako play offa jokatzen hasiko dira, eta bertan izango da Zumaiako xake klubeko A taldea. Beraun Bera B taldea izango du aurkari larunbatean Zumaian jokatuko den jardunaldian.
Hirugarren mailan, Kbi B taldeak 0-4 emaitzarekin galdu du Hondarribia Marlaxka D-ren aurka. Asier Oliva, Xuban Arrizabalaga, Eñaut Goñi eta Alaitz Irigoien lehiatu dira asteburu honetan. C taldeak, aldiz, 0-4 irabazi dio Domusa Azpeitia B-ri. Iñaki Arrieta, Miguel Angel Aguado, Ibon Ruiz eta Andde Arrieta aritu dira C taldearekin jardunaldi honetan.
Zazpi jardunaldiren ondoren C taldea bigarren da sailkapenean 19 punturekin, lider den Txaturangak baino bi puntu gutxiagorekin. B taldea, berriz, bederatzigarren da. Datorren jardunaldian Taularen aurka arituko da B taldea, eta Agustin de Leiza B hartuko du C taldeak.