Garaipen, berdinketa eta porrot bana lortu dituzte Zumaiako Kbi xake klubeko taldeek Gipuzkoako xake ligako laugarren jardunaldian.
Bigarren mailan jokatzen duen A taldeak Elgoibarren izan zuen hitzordua Berkoa Elgoibar taldearen aurka. Zumaiarrek 1 eta 3 emaitzarekin irabazi zuten. Oier Sarasketa, Xabier Aranzabal, Miguel Angel Aguado eta Ibon Ruiz izan ziren Kbiren ordezkariak jardunaldi honetan.
Lau jardunaldi jokatuta multzoko lidergoan jarraitzen du Kbi A taldeak, 13 punturekin; bigarren den Bergarak baino bi puntu gehiago ditu. Datorren larunbatean, ligako bosgarren jardunaldian, multzoko hirugarren postuan dagoen Gros J hartuko du Zumaian.
Hirugarren mailan, berriz, Kbi B taldeak (Endika Ruiz, Ekain Garcia, Xuban Arrizabalaga eta Alaitz Irigoien) 0 eta 4 galdu zuen Andoaingo Agustin de Leiza B taldearen aurka; C taldeak (Oscar Aizpurua, Iñaki Arrieta, Valeria Baez eta Andde Arrieta), aldiz, bina berdindu zuen Irunen Bidasoa Xake E taldearen aurka.
Jardunaldi honen ondoren, C taldea multzoko liderra da, 11 punturekin, eta B taldea bederatzigarrena 3 punturekin. Azken honek Txaturanga taldearen aurka jokatuko du datorren larunbatean, eta C taldeak atsedenaldia izango du.