Zumaian bertan eta Azpeitian izan dituzte partidak Kbi xake klubeko taldeek Gipuzkoako ligako hirugarren jardunaldian.
A taldeak sendo jarraitzen du bigarren mailan. Larunbatean Zumaian jokatutako jardunaldian 4-0 irabazi zion Eibarri. Kbi A-ren aldetik Oier Sarasketak, Xabier Aranzabalek, Fermin Laurobak eta David Rodriguezek jokatu zuten. Hiru jardunaldiren ondoren bere multzoko liderra da Kbi A 10 punturekin. Berkoa Elgoibarren aurka jokatuko du datorren larunbatean, Elgoibarren.
Hirugarren mailako taldeek garaipen eta porrot bana izan dituzte jardunaldi honetan. Kbi C-k (Oscar Aizpurua, Iñaki Arrieta, Miguel Angel Aguado eta Valeria Baez) 1-3 galdu zuen Taula taldearen aurka; B taldeak (Julen Perez, Asier Oliva, Adur Perez eta Xuban Arrizabalaga), berriz, 1,5-2,5 emaitzarekin irabazi zion Domusa Azpeitia B-ri. Datorren asteburuan B taldeak etxean jokatuko du Agustin de Leiza B-ren aurka, eta C taldeak Irunen Bidasoa E-ren aurka.