baleike.eus

Azalpenak

Erabiltzailearen aurpegia EH Bildu Zumaia 2018-07-17 15:52   Politika
Saharako haurren harrerara ez gaitu gonbidatu Udal gobernuak. Ezta duela bi urte ere...

Aurten (ere) EH Bildu ez da egon Saharako gaztetxoei Udalak egindako ongi etorrian. Arrazoia xinplea da: udal gobernuak ez gaitu gonbidatu.

 

Gure atxikimendu osoa Saharako herriaren independentzia aldarrikapenari eta begirune osoa Darahli-k egiten duen lan eskergari, besarkada handi bana eta ongi etorri beroa gaztetxoei.

 

Egia esan ohituta gaude, gai korapilatsuetan elkarlana eskatzen digute, eta baita guk eskaini ere, eta gainontzekoetan bazterrean uzten gaituzte, berariaz ala nahi gabe, berdin dio (ez dakigu zer den okerrago). Ez dute kontuan hartzen eragile sozialek, ahal denean behintzat, askoz nahiago dutela ordezkaritza politiko zabal baten babesa, kasu honetan bezala.

 

Gipuzkoako Foru Aldundiak 1,7 milioiko inbertsioa egingo du San Juan Egoitzan, nahitanahiezkoa zerbitzua hobetu eta egokituko bada. Argazkia, propaganda eta saturazio mediatikoa. Aurreko legealdian EH Bilduk egindako kudeaketari esker dagoela orain zabalik egoitza? Nor akordatuko da ba? 

 

Torreagako hitzarmen berriarekin berdin: argazkiak eta propaganda, oraindik hitzarmena plenoan onartu gabe egon arren. Herritarrak nahasteko arriskua dagoela? Jendeak uste duela etxe horiek berehala egingo direla,  horretarako oraindik urte asko pasa beharko diren arren? Herritarrei espektatibak azkarregi pizteko arriskua? Berdin da, kontua argazkia baita.

 

Ohiko praktikaren hiru adibide xume besterik ez dira, hauteskunde kanpainan baikaude… duela hiru urtetik hona.

Erantzunak

Xobi 2018-07-17 18:14 Erantzuna | #1

Ez da ba ainbesterako izango... Nire umeen kexak dirudite.
Artikulu hau ere zuek argazkian agertzeko besterik ez dela deritzot.
Politiko guztiek jaten duzue azka berdinetik.

Deun 2018-07-18 10:19 Erantzuna | #2

Partidukraziari demokrazia deitzen zaionetik gaude hauteskunde kanpaina amaiezin batean. Denak boterearen egarri zaudete, berdin du zein partidu politiko izan, funtsean denak helburu berdina duzue, boterea.
Zuen helburua lortzeko, boto soilak gara herritarrak. Montatu duzuen sistema hontan, bizirauteko behar duzuen erregaia, besterik ez.
Batzuek esango dute "un mal necesario" zaretela. Ez egon hain zihur. Demokrazia edozein partidu politiko baino zaharragoa dela gogoratzea komeniko litzaizueke, alderdi guztiei.
Herritarrei beren agintariak aukeratzen laguntzeko sortutako tresnak zineten hasieran. Baina denborarekin eta inor konturatu gabe, agintari izaten bukatu duzue.
Orain ezinezkoa dirudi partidurik gabeko gobernu bat osatzeak. Kuriosoa da nola engainatzen dituzuen herritarrak eta kuriosoa baita ere nola herritar gehienok dugun engainu honen berri.
Baina berdin da, nirea iritzi xume bat besterik ez da. Gero esango duzue, botua ematen ez duenak ezin duela kexatu.

P.d.: Erantzun hau, alderdi politiko guztiei zuzenduta dago. Agian ematen du EH Bilduri bakarrik zuzentzen natzaiola baina ez da hala, ez da alderdi bat bera ere libratzen.
Bukatzeko ongi etorri, Saharako gaztetxoak eta ongi etorri errefuxiatuak.

Dunbar 2018-07-18 16:07 Erantzuna | #3

Kasualitatea, udal gobernuaren azkenaldiko propaganda zaparradaren aurrean ixil-ixilik eta oposizioak ahoa zabaldu orduko, lepora! Politikari denak berdinak, bla, bla bla.. Diskurtsoarekin. Gainera, Posdata bat idatzi beharrak zure "apartidismoa" defendatzeko.. Sentitzen dut, hankatxoa ikusi zaizue.

gadget 2018-07-18 16:08 Erantzuna | #4

"Denak berdinak dira": boterean daudenek zabaldu nahi luketen formula (benetako boterean, ez udaletxe soil batean) herritarrak desmobilizatu, alternatiba politikoei uko egin eta instituzioak beraien kortijoa izateko oztopo zaizkien oposizioek herritar kritikoen babesik (babes kritikoa, nahi bada) izan ez dezaten.
Orain badirudi Baleiken ezin duela oposizioak udalaren jarrera (beraien esanetan baztertzailea) kritikatu.
Susmagarriki "denak berdinak zarete" eta "alderdiak=kk" bezalako mezurik ez da agertzen ia egunero Baleiken ateratzen diren udalaren autobonbo eta propaganda albisteetan. Horiei behin erantzun oposizioak, eta pulpitutik lezioak azkar asko...nori eta legealdian zehar ia ahotsik altxa ez duten oposizioko zinegotziei, konparatu hauek egin duten oposizio eredua eta aurreko legealdian "arratoiak datoz!" esanez jendea beldurtu eta herria zabor poltsaz bete zutenena...baina ez, "denak berdinak dira" eta bitartean betikoek agindu eta betikoek amen.

gadget 2018-07-18 16:14 Erantzuna | #5

Alternatibarik ez dagoela sinestarazi nahiko diguzue iruzkin horiekin, baina herri honetan denok ezagutzen gara eta nik behintzat argi dut nork duen agintzeko era pertsonalista eta baztertzailea, eta ondorioz ez nau harritzen EH Bilduk jarri dituen adibideak egia izateak.
Hemendik nire animoak Arritxu, Alex, Josu etab. udaletxean egoteko beste era bat badela demostratzen ari zarete, ohituta geundenaren aurrean zalaparta gutxiago atera eta lan isila eginda. Badakigu ohiko politikoen zakuan zuek ez zaretela kabitzen, batzuek kezko kortinak zabaldu nahi arren

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa