Junior mailan, Laudion, Ander Altuna 37. izan zen, eta Elorrion 45. Kanpotar asko ere bazen eta hauek agindu zuten batean zeinbestean .Kadete mailan, Heiko Mateos 38. eta 41. sailkatu zen Euskal Herriko probatan.
Asteburu hau Santu Guztien Eguna izan arren, ez dago atsedenik, eta Legazpin jokatuko dute ostiralean lasterketa, euria dela eta aurreko asteburuko zirkuituekin zerikusirik ez duen barrutian. Igandean Berrizek hartuko du Legazpiren lekukotza. Basetan eta ziklo kroserako teknika baliatuz, emaitza onen bila abiatuko dira Viveros San Antongo bi ziklistak.
Pistako proba atzeratuta
Pistan asteburu honetan estreinatzekoak ziren Viveros San Antongo ziklistak; Espainiako Ligako ekitaldian parte hartzekoak ziren Mattin Salegi, Kimetz Etxabe eta Aitor Agirre. Berrizen zen lasterketa jokatzekoa, baina belodromoa estalkirik gabea denez, egunotako euriek pistako probak bertan behera uztera bultzatu dituzte antolatzaileak. Beraz, pistako denboraldia, lehiaketei dagokienez, azaroaren 16an hasiko dute Viveros San Antongo ziklistek.