Zumaiako EAJren komunikatua, Udaltzaingoko agente baten aurka egindako pintaketak gaitzesteko

Erabiltzailearen aurpegia

Udaltzaingoko agente baten aurka agertutako pintadei dagokienez, Zumaiako EAJko herri erakundeak eta EAJko udal taldeak honako hau adierazi nahi dugu:

  •  Lehenik eta behin, udal langile baten aurkako eraso horiek gaitzesten ditugula adierazi nahi dugu; zehazki, Zumaiarekin, Udalarekin eta bere lan-erantzukizunekin duen konpromisoa erakutsi duen Udaltzaingoko agente baten aurkako pintadak.

  • Uste dugu ez dela gertakari isolatu bat, baizik eta denboran zehar errepikatzen ari den ekintza bat, eta egoera honen aurrean Udal Gobernua geldirik agertzen dela eta ez duela ezer egiten eraso pertsonal, konnotazio politikoa duen eta Udaltzaingoaren lana eta irudia kaltetu duten horiek geldiarazteko.

  • Horrelako gertakariek ez dute batere laguntzen herri honetan hain beharrezkoa dugun elkarbizitza landua lortzeko. Eta EH Bildu osatzen duten zenbait alderdi eta independenteek holako gertakari baten  aurrean isilik egoteak kezkatu egiten gaitu.
  • Joseba Udaltzaingoko agentearen lana aitortzea, baita Zumaiako kultur eta kirol bizitzan duen inplikazioa ere. Gure estimua eta babesa adierazi nahi diogu agenteari eta Udaltzaingoaren gorputz osoari.