Kanpotarrek gure kanoiak ikusten dituztenean eta galdetu, behin baino gehiagotan tokatu izan zait azalpenak eman beharra, gure herria ez dela bereziki herri liskartsua edo gerran zaildua. Baina nekez imajina daiteke kanoien bestelako erabilerarik, ez bada guda eta borroka, txikizioa. Zumaian ez dugu izan Amaiurko setiorik, Leningradorik, Intxortako fronterik…, baina gatazkak eta gerrak izan dira, bazter gehienetan bezala, eta horien lekuko –gaur egun isilak– dira gure kanoiak.