Larraina euskara taldeak antolatutako Euskara, bestela ez gara zikloaren barruan Natura, kulturak eta hizkuntzak: zergatik eta nola bihurtu garapen jasangarriaren helburu? izeneko mahai-ingurua izango da martxoaren 22an, 18:30ean, Alondegiko ganbaran. Hizlariak Leire Barriuso Euskal Kostaldeko Geoparkeko gerentea eta Mikel Mendizabal Munduko Hizkuntza Ondarearen UNESCO katedrako kide eta 17+1 Helburuan ekimenaren sustatzailea izango dira; bideratzailea, berriz, Ana Galarraga zientzia dibulgatzailea.
Itzalpeko emakumeak erakusketa izango da Zumaian, Alondegiko Oxford aretoan, martxoaren 4tik 26ra bitartean. Ordutegia: Astelehenetik ostiralera, 18:00etatik 20:00etara. Jaiegun eta asteburuetan, 12:30etik 14:00etara eta 18:00etatik 20:00etara.