Andra Mari abesbatzak eta Alize Mendizabal organo-jotzaileak kontzertua emango dute San Pedro parrokian Nazioarteko Flysch Organo Jaialdiaren barruan. AFAGIren aldeko kontzertua uztailaren 9an izango da, larunbatean, 20:15etik aurrera San Pedro Parrokian. Sarrera doan izango da.
Aizpea Larrañagaren bilduma ikusgai izango da Alondegiko Oxford aretoan ekainaren 24tik uztailaren 10era. Ordutegia: egunero 18:30etik 20:30era eta asteburutan 12:30etik 14:00etara ere bai.
Elkano Itsas Herria ekimena Zumaian izango da uztailaren 8tik 11ra bitartean. Euskal Herri osoak partekatzen duen itsas historiaren bitartez itsasoarekiko harremana berreskuratzeko zeharkaldi kulturala da Elkano Itsas Herria. Moilaberri inguruan egingo dira ekitaldi gehientsuenak.