Euskal Kostaldeko Geoparkeak antolatuta, Gure zaborra itsasoan izeneko solasaldia egingo da ekainaren 2an, 19:00etatik aurrera, Itzurun hondartzako terrazan.
Geuretik sortuak programaren barruan, Bost teilatu filma emango da Aita Mari aretoan, ekainaren 2an, 20:00etan. Sarrera doan izango da. Amancay Gaztañaga eta Erika Olaizolak zuzendutako pelikula da, eta proiekzioaren ondoren solasaldia izango da.
Foronda kultur etxean eskaintzen diren egur taila eta zeramika tailerretako ikasleek egindako lanen erakusketa egongo da Alondegiko Oxford aretoan maiatzaren 25etik ekainaren 5era arte. Astelehenetik ostiralera 18:30etik 20:30era; asteburuetan 12:00etatik 14:00etara eta 18:30etik 20:30era.