Eztabaida saioa antolatu du Urola Kostako Itaiak jai eredua eta emakumeen hipersexualizazio gai bezala hartuta. Nolakoa da gaur egungo jai-eredua?Zer eragin ditu emakume langileongan?Zer lotura du giro horrek emakumeon hipersexualizazioarekin?Eta zer dakar hipersexualizazio horrek emakume langileontzat? Galdera horiei erantzuten saiatuko dira. Bilera maiatzaren 27an egingo da, 18:30ean, Alondegiko Oxford aretoan.
Geuretik sortuak programaren barruan, Bonbon Beltz Konpainiaren Harri minak antzezlana izango da maiatzaren 27an, ostirala, 20:00etan hasita, Aita Mari aretoan. Sarrerak salgai daude turismo bulegoan, 6 euroan; 4 euroan gazte txartelarekin.
Foronda kultur etxean eskaintzen diren egur taila eta zeramika tailerretako ikasleek egindako lanen erakusketa egongo da Alondegiko Oxford aretoan maiatzaren 25etik ekainaren 5era arte. Astelehenetik ostiralera 18:30etik 20:30era; asteburuetan 12:00etatik 14:00etara eta 18:30etik 20:30era.