'Residencias S.A. El negocio de los cuidados en Euskal Herria' liburuaren inguruko hitzaldia eskainiko du Ahoztar Zelaieta kazetariak abenduaren 20an, 18:30etik aurrera, Alondegiko Oxford aretoan. Zumaiako Eskubide Sozialen Kartak antolatu du ekitaldia, eta haien esanetan, "erresidentzietan nagusitu den kudeaketa merkantilista izango da hizketagai, bertako langileei eta egoiliarrei aplikatzen zaiena".
Gabon garaiarekin lotuta, ipuin kontaketa saioak egingo dira Zumaiako Haur Liburutegian. 4 eta 8 urte bitarteko haurrei zuzenduta izango dira, eta 17:30ean hasiko dira. Hiru saio izango dira: Abenduaren 16an, Maite Frankoren 'Panpinak Aitorrentzat'. Abenduaren 23an, Kontukantoiren 'Argi ibili gurekin' Abenduaren 29an, Apikaren 'Sorginak'
Distira argazki elkartearen erakusketa kolektiboa izango da bisitagai abenduaren 16tik urtarrilaren 9ra bitartean Alondegiko Oxford aretoan. 18:00etatik 20:00etara izango da zabalik.
Zuzendaria: Edgar Wright. Aktoreak: Thomasin McKenzie, Anya Taylor-Joy, Matt Smith, Terence Stamp, Diana Rigg. Generoa: Thrillerra. Urtea: 2021. Herrialdea: Erresuma Batua. Modan amorratua den neska bati buruzko thriller psikologikoa. 60ko hamarkadara joan eta haren idoloa, abeslari izan nahi duen neska liluragarria, ezagutzeko gai da. Baina garai hartako Londres ez da dirudien bezalakoa, eta denbora ondorio ilunekin erortzen dela dirudi.