Distira argazki elkarteak iazko udazkenetik aurtengo udaberrira bitartean egindako lehiaketa sozialean parte hartu duten irudi onenak erakusketa batean bildu ditu. Erakusketa Alondegiko sarreran ikus daiteke abuztuaren 1era arte.
Sei saioz osatutako tailerra prestatu du Maddi Uranga dinamizatzaileak, eta helburua izango da partaideek "emozioak lantzea", "sorkuntzaren eta gorputzaren bidez". "Antzerkiak eta arte plastikoak ematen dituzten metaforez baliatuko" dira horretarako, eta "norberarentzako eta taldearentzako inguru goxo bat sortzen" ahaleginduko dira. Sei larunbatetan egingo dituzte tailerreko saioak, jarraian: ekainaren 26an, uztailaren 3an, uztailaren 10ean, uztailaren 17an, uztailaren 24an eta uztailaren 30ean. Lau ordu iraungo du saio bakoitzak, 10:00etatik 14:00etara, eta euskaraz jardungo dute parte hartzaileek. Bertaratzeko asmoa dutenek izena eman beharko dute aurrez, 943 865 025 telefono zenbakira deituta edo berdintasuna@zumaia.eus helbide elektronikora mezu bat bidalita.
Zumaiako XXXIII. Argazki Lehiaketara aurkeztutako argazki onentsuenak biltzen dituen erakusketa ikusi ahal izango da Alondegiko Oxford aretoan, uztailaren 23tik abuztuaren 8ra arte. Arratsaldez izango da zabalik, 18:30etik 20:30era. Sari banaketa ekitaldia uztailaren 23an egingo da, 18:30ean.
Zuzendaria: Santiago Segura. Aktoreak: Santiago Segura, Leo Harlem, Luna Fulgencio, Florentino Fernández. Generoa: komedia. Urtea: 2021. Herria: Espainia. Ricardok, semean iraulitako aita arduratsuak, Asturiasko kanpamentu batera eramatea erabaki du gaueko trenez, eta guraso batzuek proposatu dute berak eraman ditzala zenbait seme-alaba ere. Hala ere, ez dute esan azken minutuan Felipek, bi haurren aitonak, lagunduko dionik. Gizon bitxia eta arduragabea da Felipe. Uztailaren 30ean eta 31n, eta abuztuaren 1ean eta 2an, 19:30ean.