Aran Santamariaren Zenbat Jende kabitzen da bihotz batean erakusketa zabalduko da igande honetan, hilaren 7an, eguerdiko 12:30ean Alondegiko Oxford aretoan. Erakusketa otsailaren 7tik 28ra bitartean egongo da zabalik, egunero, 18:00etatik 20:00etara. Asteburuetan eta jaiegunetan 12:30etik 14:00etara eta 18:00etatik 20:00etara egongo da zabalik.
Zumaiako Musika eta Dantza Eskolaren Veneziako inauteriak ikus-entzunezkoa erakutsiko da Zumaiena ikastetxean, otsailaren 12an eta 13an, 17:30ean. Gonbidapenak turismo bulegoan eskuratu daitezke, doan. Pertsonako lau gonbidapen banatuko dira gehienez.