3 urtetik gorako haurrentzat Meri, Mari eta Lari ipuin eta kantuz osatutako antzezlana da. Ipuinak sexu eta genero aniztasunaz ari dira, familia eredu ezberdinez, beldurrak baztertzeaz eta, azken finean, askatasunaz. Ikuskizunak biltzen dituen abestiak Yogurinha Borovarenak dira, Sentipenak askatu diskoarekin ikusle gazteagoengana iritsi nahian argitaratutako kantak. Galder Perezek idatzitako eta Maria Urcelay aktorarekin batera sortutako ikuskizun hau umeei zuzenduta dago, baina adin guztietako lagunentzat da aproposa. Oraindik ere, denok dugulako sentipenak askatzeko beharra eta gogoa. Sarrerak turismo bulegoan bakarrik egongo dira salgai, 4 euroan.
Zumaiako Distira argazki elkartearen erakusketa kolektiboa egongo da abenduaren 11tik 20era bitartea, Alondegia kultur etxeko Oxford aretoan. 18:00etatik 20:00etara egongo da egunero zabalik.
Forque sarietan dokumental onenaren kategoriarako hautatu duten Enrique Villarreal El Drogas Barricada taldeko abeslari eta baxu-jotzaile oiharen inguruko dokumentala larunbatean, igandean eta astelehenean ikusi ahal izango da. Emanaldiak 19:00etan hasiko dira.