Lau artistaren lanak bilduko ditu Bote prontuan erakusketak: Gema Durán, Arri Bidasoro, Ana Cabezas eta Olatz Goiburu, edo bestela esanda, Las4Laurok. Liburu eraldatuen sorkuntzak elkartu zituen batik bat, eta Oxforden elkarlan horren emaitza ikusgai egongo da: liburu eraldatuak, eta baita marrazki eta margo batzuk ere. Aldi berean, artistek banaka sortutako lanak ere aurkeztuko dituzte, jorratzen dituzten diziplina ugaritakoak: Ana Cabezasek pintura, Gema Duránek zeramika, Arri Bidasorok artista liburuak, eta Olatz Goiburuk margoak eta zeramika.
Zuzendaria: Sean McNamara. Aktoreak: Sarah Giles, Kirsten Robek, Callum Seagram Airlie. Iraupena: 84 min. Gwen katua eta Roger txakurra mundua babesten eta salbatzen ari diren bi agente sekretu dira, eta gizakiek horren berririk ez dute. Ordutegia: larunbata eta igandean, 16:30ean.
Zuzendaria: David Victori. Aktoreak: Mario Casas, Milena Smit, Joaquin Caserza. Generoa: Thriller. Iraupena: 92 min. Urtea: 2020. Danik, bere bizitzako azken urteetan gaixo dagoen aita zaintzen aritu den mutiko onak, aita hil eta gero bere bizitza egiteari ekingo dio. Bidaia luze bat hastea erabaki duenean, Mila ezagutuko du; gau hori amesgaizto bihurtuko duen neska kezkagarri, sentsual eta ezegonkorra. Topaketa horren ondorioek muturreraino eramango dute Dani, inoiz imajinatuko ez zituen gauzak planteatuko baititu. Ordutegia: larunbata, igandea eta astelehena, 19:00etan.