Inazio Tolosa zumaiarra kide duen Xentimorik Gabe taldea bueltan dator eta oraingoan ere xelebrekeriak eta umorea, musikaz blai. Gaurkoan balentria handi baten berri emango dute Inaziok eta Ramonek: ez amerikarrak, ez errusiarrak; bi euskaldun izan ziren ilargira iristen lehenak (Gu primer!). Sarrerak 6€ (Gazte Txartelarekin 4€) turismo bulegoan.
Ana Roman artistaren 3+1 20" erakusketa egongo da Alondegiko kultur etxeko Oxford aretoan, urriaren 9tik azaroaren 1era.
Cinemasub 2020 itsaspeko Zinemaren Nazioarteko Zikloko 11. edizioa Zumaiara helduko da urriaren 15ean. Film laburren sorta emango da 19:00etatik aurrera Aita Mari zinean. Sarrera doan izango da. Horrekin batera, urriaren 15etik 18ra argazki erakusketa izango da Algorri interpretazio zentroan. 10:00etatik 13:30era eta 15:00etatik 18:00etara izango da ikusgai.
Irakasle batek bere gain hartuko du lehen hezkuntzako seigarren mailako tutore izateko ardura berarentzat erabat ezezaguna den herri batean. Ikasgelan gaixo dagoen ikasle bat taldean barneratu behar duela ezagutzean eztabaida sortuko da ikasgelan: ikaskideek ez dute hura eskolara itzultzerik nahi. David Ilundain zinegile espainiarrak zuzendu duen filmean David Verdaguer, Patricia López Arnaiz eta Clara Segurak hartuko dute parte. Ordutegia: ostiralean, igandean eta astelehenean 19:30ean.