Zirko Txosko konpainiak zirkoa eta umorea uztartzen dituen Indartsuak ikuskizuna ekarriko du Zumaiara. Ostiralean izango da, irailaren 11n, 17:30etik aurrera, Torreberrin. Gonbidapenak ostegunean banatuko dira turismo bulegoan. Pertsonako bi gonbidapen emango dira gehienez.
Dantza berriak bertsoei jarriak. Dantza eta bertsoa gurutzatzen den lekuan hasi zen sorkuntza honen bidaia. Haatik konpainiak sormenezko lurralde berriak esploratzen jarraitzen du eta oraingoan bertsolaritzaren soinua mugimendu garaikide bihurtzen du. Irailaren 11n, 20:00etan, Aita Mari zinean. Sarrerak 3€ Zumaiako Turismo Bulegoan
Zuloaga eta Zumaia erakusketa izango da Alondegiko Oxford aretoan, irailaren 5etik urriaren 4ra bitartean. Egunero izango da zabalik, 18:30etik 20:30era. Asteburuetan eta jaiegunetan eguerditan ere zabalduko ditu atean, 12:30etik 14:00etara bitartean.