Artisau azoka egingo da larunbatean, hilaren 8an, Beheko plazan. COVID-19a dela eta, ohikoa baino postu gutxiago izango dira, eta ordutegia ere murritzagoa: goizez bakarrik egingo da, 10:00etatik 14:00etara bitartean.
Azken txanpan sartu da aurtengo Zumaiako Musika Jaialdia. Bi ekitaldi besterik ez dira falta ezohiko edizio hau, Jaialdiaren 36.a agurtzeko. Gaur, dantzari tartea zabalduko diote, eta bi koreografia ikusteko aukera izango da 19:30etik aurrera Odieta frontoian.
Zumaiako 32. Argazki Lehiaketako erakusketa egongo da Alondegiko Oxford aretoan, uztailaren 29tik abuztuaren 12ra. 18:30etik 20:30era izango da aretoa zabalik.
Uztailaren 30etik abuztuaren 9ra egingo da Zumaiako 36. Musika Jaialdia. Hona hemen egitaraua. Uztailak 30 13:00, Torreberrin: XVIII. Klarinete Maratoiko laukote lehiaketako irabazlea. 19:30, Santiago Etxean: ZUMB Musika Banda. Uztailak 31 20:00, parrokian: San Pedro Abesbatza. Abuztuak 2 19:30, Zumaiena aretoan: Sapere Aude Sinfonietta. Enigma variations for chamber orchestra (Elgar/Morton). Symphonic dances for chamber ensemble (Rachmaninoff/Farrington). Alain Ayerdi, zuzendaria. Abuztuak 3 19:30, parrokian: Donostiako Hamabostaldiko organo zikloa. Mari Karmen Azpeitia eta Garikoitz Mendizabal, organo eta txistua. Abuztuak 6 20:30, parrokian: Donostiako Musika Hamabostaldia. Conductus Ensemble: Bach ispiluan. Andoni Sierra, zuzendaria. Abuztuak 8 19:30, Odietan. Musikaldian dantza: Lasalaren Fight. Myriam Perez Cazaboren Nire azalean arrotz. Abuztuak 9 19:30, Herri Eskolako frontoian: Oreka TX
José Miguel “Makey” bere lana maite duen polizia da. Madrilgo Carabanchel auzoan erantzukizun handiz aritzen da aurrera eta atzera segurtasuna bermatzen, baina halako batean mugikortasun agente izatera behartuko dute Costa del Sol kostaldean. Urte luzez banatuta egon ondoren, Makey bere alabarekin elkartuko da nazioarteko narkotrafiko sare arriskutsu batean murgilduta ikusiko du bere burua. Alfonso Sánchez zinegile espainiarrak zuzendutako komedia da, Leo Harlem, Silvia Abril, Jordi Sánchez eta María Sabaté aktore dituena. Ordutegia: ostiralean 22:15ean, eta larunbatean, igandean eta astelehenean 19:30ean.