Eidabe konpainiaren Mari eta gaileta fabrika haur antzerkia izango da igande honetan, eguerdiko 12:00etan, Aita Mari zinean. Lukak labean egindako gailetak prestatu nahi dizkio amamari, bere etxean egun batzuk geratuko dela aprobetxatuz. Gozoki gozo hauekin, etxetik kanpo erosoago sentitzen lagunduko diola uste du. Baina gaileten oroitzapenek hain gozoa ez den iraganera eramango dute amama, irenstea kostatuko zaion gogorapenera.
Distira argazki elkarteko kideen erakusketa kolektiboa izango da Alondegiko Oxford aretoan, urriaren 31tik azaroaren 17ra bitartean. Egunero izango da zabalik, 18:00-20:00 ordutegian.
Loreak eta Handia filmeen egileen azken lana ikusteko aukera izango da asteburu honetan Aita Mari zinean. La trinchera infinita ostiraletik astelehenera bitartean emango da Zumaiako zine aretoan.