Ostiralerako Nazio Askapena eta Emakumeak hitzaldia antolatu du Zumaiako Ernaik, emakumeek Euskal nazio askapenean izan duten papera jorratzeko. Kizkitza Gil de San Vicente izango da hizlaria, eta 19:00etan hasiko da Torreberri Gaztetxean.
Fernando Mardones artista eta irakaslearen lanak ez du bereziki ezer esanahi. Kolorearekin, formekin eta testurekin jokatzen du Zumaian aurkeztuko duen lehen lan honetan. Irailaren 26tik urriaren 13a bitartean egongo da ikusgai Oxforden. Egunero 18:00etatik 20:00etara, eta asteburuetan, 12:30etatik 14:00etara.
Zuzendaria: Alejandro Amenabar. Aktoreak: Karra Elejalde, Eduard Fernandez, Sati Prego. Iraupena: 107 minutu. Generoa: Drama. Herrialdea: Espainia. Urtea: 2019.Miguel de Unamuno idazlea Espainiako altxamendu militarraren alde agertu da publikoki; 1936ko uda da. Ondorioz, Salamancako Unibertsitateko errektore kargutik kendu du gobernu errepublikanoak. Bitartean, Franco boterea hartzen ari da. Unamunoren lagun batzuk espetxeratuko dituzte, eta hark hasieran zuen jarrera zalantzan jarriko du. Ordutegia: ostiralean 22:15ean, larunbatean 19:30ean eta 22:15ean, eta igandean eta astelehenean 19:30ean.