Emakumeon* Etxea Zumaian? izenburupean, Zumaiako Emakumeon* Etxeko Elkarteko kideek egun osoko topaketa antolatu dute datorren urriaren 5erako. Topaketaren helburua da horrelako espazio batek herrian izan ditzakeen onurak azaltzea.
Iparrak abiatu ditu 2019/2020 ikasturteko eztabaida saio irekiak. Urriaren 5ean izango da lehen saioa: 11:00etan elkartuko dira, gaztetxean. Bertan jai eredu kapitalisten inguruan hausnartuko dute.
Zer egingo zenuke zuk nahi ez bezalako mundu batean? Jolastea hasiera on bat izan daiteke. Zuzeneko musika eta antzerkia biltzen dituen proposamen eszeniko bat da Chez emballage. Hitzik gabeko ikuskizun honen soinu atmosferaz eta musikaz Zumaiako musika banda arduratuko da. Gainera, antzezpenean ere aktiboki parte hartuko dute. Istorioa Sandra Aguerri eta Esti Curiel aktoreen ideia originala da. Eszenografia, atrezzoa eta jantziak birziklatutako plastiko eta ontzi arinekin sortu dituzte bi aktoreek. Objektuen eta txotxongiloen lengoaia eta keinu bidezko antzerkia erabiliko dituzte ikusten dena eta dirudiena nahasten dituen mundu honetan murgiltzeko.
Fernando Mardones artista eta irakaslearen lanak ez du bereziki ezer esanahi. Kolorearekin, formekin eta testurekin jokatzen du Zumaian aurkeztuko duen lehen lan honetan. Irailaren 26tik urriaren 13a bitartean egongo da ikusgai Oxforden. Egunero 18:00etatik 20:00etara, eta asteburuetan, 12:30etatik 14:00etara.