"ETAren espetxe frontea" osatzea egotzita, euskal presoen babes taldeetako 47 euskal herritar epaituko dituzte irailean, tartean, Nagore Garcia zumaiarra. Garcia eta gainontzeko auzipetuak babestu eta laguntzeko, Nagore Zumaian ekimena abiatu dute.
The Guilty filma daniarra emango du Ostarrenak ostegunean, hilaren 20an, zine forum saioan. Emanaldia 22:00etan hasiko da Aita Mari zinean.
Baleike aldizkariaren 25. urteurrenaren harira, Baleike, 25 urte... eta 12 elkarrizketa erakusketa egongo da Alondegiko Oxford aretoan. Erakusketa ostiralean, hilaren 14an, zabalduko da eta ekainaren 23ra arte izango da ikusgai. Ordutegia: egunero, 18:00etatik 20:00etara; asteburuetan eguerditan ere bai, 12:30etik 14:00etara.