Maiatzaren 1aren inguruan Iparra taldeak antolatutako ekintza sortaren barruan, bihar, 19:30ean hasita, Harremanen inguruko hausnarketa izeneko hitzaldia eskainiko dute Itaia taldeko kideek Gaztetxean.
Ainara Garciaren Naturari begiradak erakusketa izango da Alondegiko Oxford aretoan apirilaren 12tik maiatzaren 1era bitartean, 18:00-20:00 ordutegian.
Kimikarin zientzia tailerrak egingo dira apirilaren 24an eta 25ean Alondegiko Oxford areoan. Parte hartzea doan da, eta izenak emateko kulturetxea@zumaia.eus helbidera idatzi daiteke, edo 943861056 telefonora deitu, 09:00-14:30 ordutegian. Tailerrak 11:00etatik 13:00etara egingo dira, asteazkenean eta ostegunean, eta bietako batean parte hartzeko aukera izango da. 8 eta 12 urte arteko haurrei zuzendutako ekintza da, eta eskaera bakoitzean bi haur apuntatu daitezke gehienez.