Bi urteko ibilbidearen ostean, aurreko hilabetean Iparrako kideok pauso berri bat ematea erabaki genuen; ordura arte taldearen baitan izan genituen eztabaidak zein lanketak herritar guztiei zabalduz. Gure helburua, saio horren bitartez iritziak partekatu, ikuspegiak trukatu eta gai desberdinen inguruan eztabaida sustatzea zen; eta, esan dezakegu, gure helburua bete genuela.
Bootboys, Alerta Gorria eta Aurrez Aurre taldeek kontzertua emango dute larunbat honetan, 21:30etik aurrera, Torreberri Gaztetxean. Sarrera: 5 euro.
Aran Santamaria eta Ander Hormazuri artista zumaiarren erakusketa izango da martxoaren 22tik apirilaren 21era Kabi tabernan.
0-8 urteko haurren gurasoentzat zuzenduriko Guraso Eskolak bi ekimen emango ditu aurrera martxoan. Haurra ulertzen dugu? hitzaldia martxoaren 23an, 10:00etatik 12:30era, Brankan. Zer da guraso izatea? hitzaldia martxoaren 30ean. 10:00etatik 12:30era, Brankan.
Martxoaren 25etik apirilaren 7ra Sahararen aldeko erakusketa ikusteko aukera izango da Alondegian. Bertan, Zumaiako Darahli elkarteak 2018. urtean eginiko lankidetza-bidaiari buruzko 18 argazki-muntaia ikusiko dira, baita Saharako Errefuxiatu Kanpamenduetan egindako ekintzak ere. Erakusketak ordutegi hau izango du: astean zehar 18:00etatik 20:00etara, eta asteburuetan 12:00etatik 14:00etara eta 18:00etatik 20:00etara.
Stan Laurel eta Oliver Hardy aktoreek Ingalaterran egin zuten azken biraren inguruko pelikula, Steve Coogan eta John C. Reilly aktoreekin. Ordutegia: ostiralean 22:15ean, larunbatean 19:30ean eta 22:15ean, eta igandean eta astelehenean 19:30ean.