Aurkezpen gutxi behar du mundu mailan ezagunena den herrixka galiarrak. Zer esanik ez filmaren protagonista diren betiereko heroi bikoteak. Oraingo abentura berri honetan, Panoramix edabe magiko egilearen bidaide izango dira, edari misteriotsuaren errezeta jasoko duen azti misteriotsu baten bila.
Wes Anderson zinemagile estatubatuarraren Moonrise Kingdom pelikula emango dute, Paradisu Zinema zikloaren baitan, otsailaren 10ean, igandea, Torreberri Gaztetxean. 18:30ean hasiko da saioa.
Istorio erreal baten kontaketa egiten du filmak. Dick Cheney burukrata ezagunaren bizitzan oinarritzen da, bere bat-bateko hazkunde profesionalean. Izan ere, isil-isilik eta George W.Bush presidentearen babespean, AEB eta, oro har, munduko gizon boteredunetariko bat izatera heldu zen. Egun, oraindik, badira bere itzalaren arrastoak sumatzen dituztenak. Ostiralean 22:15ean, larunbatean 19:30ean eta 22:15ean, eta igandean eta astelehenean, ikuslearen eguna, 19:30ean.
Antonio Valenciaren Xomorroak erakusketa izango da otsailaren 9tik 24ra bitartean Alondegiko Oxford aretoan. 18:00etatik 20:00etara izango da zabalik egunero.