Abenduaren 21ean, ostiralean, Santo Tomas Eguna ospatuko da Alai auzategian. Hau da egitaraua: 12:00-15:00: Txosnan musika eta txistorra. 17:00: Potxin eta Patxin pailazoak. 18:00: Trikitilariak auzoan. 20:00: A santo de que kontzertua.
Ostiral arratsaldean jokatu dira zesta puntako Bakarkako Txapelketako finalerdiak Aitzuri frontoian. Jaialdirako sarrerak salgai daude jada.
Abenduan zehar, hiru ipuin kontaketa saio egingo dira haur liburutegian. Hilaren 12an, Pello Añorgak Negua dator ipuina kontatuko du 5 urtetik aurrerako haurrentzat. Abenduaren 18an, berriz, Apikak Olentzeroren lagunak izeneko saioa emango du 4-8 urte bitartekoentzat. Azkenik, hilaren 28an, Kontukantoiren eskutik, Eta eguzkia... Nondik dator, nora doa? ipuin kontaketa izango da 4-8 urte bitartekoentzat. Ipuin kontaketa guztiak 17:30ean hasiko dira haur liburutegian.
Unesco etxeak antolatuta, abenduaren 21etik urtarrilaren 6a arte, Gure mundua eraldatzeko 17 helburu izeneko erakusketa egongo da zabalik Alondegiako Oxford aretoan. Erakusketa zabalik izango da egunero, 18:00etatik 20:00etara.