Osteguna, azaroak 15

18:30

Mintzalagun egitasmoaren hasiera ekitaldia

Urola Kostako Mintzalagun egitasmoaren hasiera ekitaldia Zumaian egingo da azaroaren 15ean. 18:30ean egingo da, Alondegiko Oxford aretoan.  Mirari Martiarena eta Idoia Torregarai artistek sei bakarrizketa egingo dituzte. Euskara eta generoa umore gai hartuta, euskalkiak, onomatopeiak, amatasuna, gorpuztasuna eta kristalezko sabaia bezalako gaiak dituzte hizpide ordu bete inguruko emankizunean.  Ondoren luntxa egingo da. 

19:00

20:30

Maila guztietarako argazkigintza tailerra

27 orduko ikastaro teoriko eta praktikoa eskainiko du elkarteak. Astelehenetan eta asteazkenetan 19:00etatik 20:30era elkartuko dira, eta irteerak egingo dituzte larunbatean. 

18:00

13:30

Emakumeenganako Indarkeriaren Aurkako Nazioarteko Eguna

Azaroaren 25a da Emakumeenganako Indarkeriaren Aurkako Nazioarteko Eguna, eta horren harira egitarau hau osatu dute Zumaiako Udalak eta Berdintasun Foroak. Azaroak 14: Gorroto delituak: orientazio sexuala eta genero identitateak erakusketaren aurkezpena 18:00etan. Erakusketa Aldartek antolatu du eta ikusgai egongo da azaroaren 14tik 27ra. Azaroak 15: Bisita gidatua Oxford aretoko erakusketan, gaztelaniaz. Emma Doris Lopez Rodriguez Kolonbiako giza eskubideen defentsarako aktibistak egingo du. Ondoren, 18:30ean, Hogarrean, Impacto de los feminicidios en América latina hitzaldia eskainiko du. Azaroak 23: Berdintasun gunea, Emakunderen autobusa, Eusebio Gurrutxaga plazan 10:00tik 12:00ra eta 17:00tik 18:00ra. Herritarrei informazioa emateko irekita egongo da eta nahi duenak bertan sartzeko aukera izango du informazioa jasotzera. Autobusean bertan, 12:00etan, soldadura eskolako ikasleekin tailerra egingo da eta 18:00etan, berriz, haur eta familiei zuzendutako tailerra. Azaroak 24: Autodefentsa feminista ikastaroa, euskaraz, goiz eta arratsaldez. Tailerra Emagin Elkarteak bideratuko du eta doakoa izango da. Azaroak 25: Elkarretaratzea, 13:00etan, Saregileen plazan.