Eromen produkzioaken Hysteria antzezlana izango da martxoaren 9an, Aita Mari zinean, 22:00etan. Sarrerak aurrez salgai daude turismo bulegoan 6 euroan; 4 euroan gazte txartelarekin. Hysteria Amancay Gaztañagak zuzendutako obra bat da eta “histeria femeninoa” gaitz ezagunaren nondik norakoak jorratzen ditu.
Zaintzaren inguruko ikastaroa eskainiko da otsailetik apirilera bitartean Brankan, eta helburua da zaintzailearen rolaren inguruko hausnarketa egin, besteak zaintzeaz gain nork bere burua zaintzearen garrantziaz mintzatu eta zaintzaile direnen bizi kalitatea hobetzeko gakoak eskaintzea. Ikastaroan parte hartzeko ezinbestekoa izango da aurrez izena ematea berdintasuna@zumaia.eushelbidean edo 943 86 50 25 (luzapena 404) telefonoan. Saio guztiak 15:00etatik 17:00etara egingo dira. Ikastaroaren egutegia Otsailak 21 eta 28 Martxoak 7, 14, 21 Apirilak 11, 18, 25
Martxoaren amaieran 90 kidez osatutako taldea Saharako kanpalekuetara joango da Darahlik antolatutako bidaian. Aurretik, jada ohikoa denez, Lankidetza astea egingo du elkarteak, eta horren baitan erakusketa zabalduko du, gaur, Alondegiko Oxford aretoan.
Martxoak 8ko egunaren baitan Zumaiako Udalak eta Zumaiako Berdintasun Foroak antolatutako egitaraua: Martxoak 8 10:00etan, Zumaiako ikastetxe eta soldadura eskolako ikasleen jende katea, eskualdeko Hezkidetza foroak antolatuta. Topagunea: Eusebio Gurrutxaga plaza. 19:30ean, Elkarretaratzea, Saregile plazan, Zumaiako Berdintasun Foroak deituta, Zumaiako Udalarekin batera. 22:00etan, Aita Marin, zine forum: Su mejor historia filma (gazteleraz). Zuz.: Lone Scherfig. Martxoak 9 22:00etan, Hysteria antzezlana (euskaraz), Aita Marin. Martxoak 11 12:00etan, Emakumeen eguneko afrikar festa Eusebio Gurrutxaga plazan. Martxoak 13 18:30ean, Mahai ingurua: Nola antolatzen ditugu zaintza lanak?. Transformar la realidad: derechos iguales para todas txostenaren aurkezpena Malen etxeak egina (gazteleraz) Alondegiako Oxford aretoan. Martxoak 22 18:00etan, Mahai ingurua: Zumaiako Emakumeen Etxea eraikitzen (euskaraz). Gonbidatuak: Donostia, Hernani eta Azpeitiko Emakumeen etxeetako ordezkariak. Brankan.