Munduko Pilota Batzarrak antolatutako MPB sariko partidak jokatuko dira ostiral arratsaldean Aitzuri frontoian. Emakumezkoen partidak izango dira; gomazko pilotarekin eta paletekin arituko dira. Jaialdia 19:00etan hasiko da.
Irailaren 28tik urriaren 15era bitartean, Alondegiko Oxford aretoan izango da ikusgai Ttitto Aguerre Uharte- Garaziko artistaren obra. Erakusketa egunero egongo da zabalik 18:00etatik 20:00etara.
Hurrengo ostegunean, urriak 12, kontzertua izango da Zumaiako Torreberri gaztetxean. Atzerriko bi talde, Bartzelonako Decurs eta Londreseko Stef Ketteringham bakarlaria, eta Arrotzak taldea izango dira oholtza gainean. 22:30ean hasiko da kontzertua.
Urriak 13, 19:00etan, Hitzaldia. Urriak 14, 17:00etatik aurrera, kontzertuak: RPG 7, Cor Fort, Habemus papam, Lau P4, The New Brigade, Bellator, Takedown. Sarrera: 7 €