Zesta puntako jaialdia jokatuko da ostiralean Aitzuri pilotalekuan, Jai Alai World Tour Open izenarekin. Olharan-Lopez eta Egiguren-Enbil bikoteek jokatuko dute profesional mailako partida. Aurrez, afizionatu mailan, Zumaiako Gorostolak eta Ekaitzek Donostiako Alberro anaien aurka jokatuko dute.
Maria Martinez musikari zumaiarrak kontzertu akustikoa eskainiko du ostiralean Otezuri egoitzako kafetegian, 20:00etan.
Sendian programaren baitan, Mendekotasun egoeran dauden pertsonen artean egoera zailak maneiatzen ikasteko ikastaroa emango da. Irailaren 26tik urriaren 6ra bitartean emango da eta aurrez izena eman beharko da.
Irailaren 28tik urriaren 15era bitartean, Alondegiko Oxford aretoan izango da ikusgai Ttitto Aguerre Uharte- Garaziko artistaren obra. Erakusketa egunero egongo da zabalik 18:00etatik 20:00etara.
Irailaren 29 eta 30ean, eta urriaren 1ean ospatuko dituzte Artadin bertako samielak. Hemen duzue egitaraua.