Uda sasoiari agur esateko doako milonga saioa izango da igande arratsaldean Odietako frontoian. David Govillard musika jartzailearen eskutik, tango doinu sentsualak entzuteko aukera izango da 17:30etatik 21:30etara. Eguraldi txarra eginez gero, gaztetxeko aretoan izango da.
Eduardo Laborderen Jauregi berrikusiak erakusketa egongo da Alondegia kultur etxeko Oxford aretoan irailaren 9tik 24ra bitartean, egunero, 18:30etik 20:30era. Zabaltze ekitaldia ostiralean, hilaren 8an, egingo da, 19:00etan.