Igandean aldaketak izango dira autobus zerbitzuan Donostiako kros batengatik

Baleike 2017ko mar. 11a, 08:54

Bihar Donostian korrituko den AEK Krosa Binako Lasterketa dela eta, Euskotrenek Zumaia eta Donostia arteko UK09 eta UK11 autobus zerbitzuak aldatuko ditu. Aldaketak goizean bakarrik izango dira. 

Zumaiatik 8:30ean eta 9:30ean irtengo diren UK09 lineako zerbitzuetan, Donostian, honako geraleku hauek kenduko dira: Errotaburu, Matia kalea, Ibaeta, Magisteritza, Zumalakarregi Etorbidea, San Martin eta Askatasuneko Etorbidea.

10:00etan eta 11:00etan Donostiatik irteten diren UK09 lineako irteeren kasuan hiriburuko honako geraleku hauek kenduko dira: Askatasuneko Etorbidea, Zumalakarregi Etorbidea, Magisteritza, Ibaeta, Matia kalea eta Errotaburu.

Azkenik, UK11 linean, Zumaiatik 11:00etan irteten den zerbitzuan Donostian honako geraleku hauek kenduko dira: San Martin eta Askatasuneko Etorbidea. Horrez gain, Donostiatik Zumaiara 12:00etan irtengo den zerbitzua Autobus Geltokitik aterako da zuzenean AP-8tik Orioraino.